Pơma tơ̆ jơ pơma lêh, Thủ tướng Lê Minh Hưng pơma hơdăh Đảng, Khŭl kơdră teh đak ling lang lăng kăl tơdrong jang sir tơchă, iŏk akŏm păng hơlen lăng băt hơnăn kơting linh lôch tang ăn teh đak ‘noh jĭ hơnăp jang chĭnh trĭ tơm, jĭ jơhngơ̆m đon băt ‘mêm “Nhă đak ƀlŏk kơtu”, “Băt bơnê” păng hơnăp jang đơ̆ng plei nuih hăm đe linh nuih mơng lôch tang ăn teh đak hlôi lôch hơchăng.

Đơ̆ng yan âu hơlen lăng păng tơlĕch jang sir tơchă, iŏk akŏm kơting linh lôch tang ăn teh đak tơ̆ cham să Lê Thị Riêng, Thủ tướng athei pơlei tơm Hồ Chí Minh kŭm hăm Anih tơm vei lăng Khŭl lĭnh, Anih tơm pơgơ̆r khŭl linh Quân khu 7 tơtĕnh akŏm, tơblang hơdah, hơlen lăng kơjăp, mă ‘lơ̆ng, hơnih ‘măn dôm hô sơ, hla ar chih răk ƀơm truh dôm ‘măng tơblăh, dôm tơdrong tơblăh tih lơ̆m tơring, mă loi ‘noh jĭ lơ̆m dôm sơnăm 1968, 1972. Hơdai hăm, hơtŏk loi dơ̆ng lăng hơlen hla ar chih răk, chih iŏk nơ̆r tơroi đơ̆ng bơngai băt hơdăh păng iŏk yua kơmăy kơmŏk ‘nao vă tŭn hrĕnh tơdrong băt hơdăh hơnăn, pơlei pơla.