Đơ̆ng rŏng 10 sơnăm pơm kiơ̆ Tơchơ̆t 05 đơ̆ng Hơnih tơm Chĭnh trĭ, rim jăl jang kơ Jơnŭm jang gah linh so hlôi tơlĕch lơ tơdrong jang kăp gĭt nhen “Linh so tơgŭm dih băl hơtŏk mŭk drăm”, “5+1”, “2 sut, 3 tơgŭm”, VAC, VACR, pơgar unh hnam, jang mir pơgar... Kiơ̆ đơ̆ng noh tơgŭm lơ bơngai jang klaih đơ̆ng hin dơnuh, sơđơ̆ng tơdrong hơrih.

Đơ̆ng sơnăm 2016 truh dang ei, dôm jăl jang hlôi man đei 23.000 tŏ hnam 'mêm kơ-eng, tơgŭm sut lê̆ hloh 43.000 tŏ hnam pơgia ăn unh hnam tơnap tap; bơngai jang oei asong kơ triu m² teh vă pơm trong pơjing tơring tơrang 'nao. Ƀơ̆t 'măng ou, lơ khŭl jang, bơngai jang đei pôk bơnê kơyuơ jang hơgei lơ̆m hŏk pơhrăm păng jang kiơ̆ Ƀok.