Hơdăh, tơdrong hơtŏk GRDP đei jơnei 7,59%, tơmơ̆t jên mong kơ teh đak đei 3.475 rơtăl hlj, rim bơngai jang đei yua jê̆ 60 rơtuh hlj; Kơsô̆ unh hnam hin dơnuh tơjur hloh 3%. Pơgơ̆r lơ̆m 3 năr, Hô̆i đŏng kon pơlei dêh char Đăk Nông gô hơlen, pơma đam dôm tơdrong pơkăp, tơbang păng 22 tơdrong tơchơ̆t găh dôm tơdrong kăp gĭt kơ tơring.

 'Măng hop akŏm duh 'măn jơ vă akŏm apinh, tơl nơ̆r apinh jet kơtă hăm kơdră kơ dôm anih jang: Pơkăp Axong jang, Mŭk drăm Cham char, Joh ayŏ Tơplŏng kơdâu păng Tơmang pơhiơ̆; tơlĕch pơma đam tơ̆ anih hop akŏm vă Kơdră Anih vei lăng kon pơlei dêh char păng rim anih jang tơblang hơdăh dôm tơdrong mă bơngai tang măt, kon pơlei tăh hla păng kon pơlei tơrĕk truh.