Kŭm hăm dôm hla ar tơroi tơbăt đơ̆ng Khŭl chĕp kơ̆l Jơnŭm pơgơ̆r kon pơlei dêh char Kon Tum, dôm khŭl jang lơ̆m Jơ nŭm pơgơ̆r kon pơlei, Anih sek tơlang Kon pơlei, Anih dăr hơlen kon pơlei, Anih athei pơm kiơ̆ tơdrong sek phak kơ dêh char...., Anih vei lăng kon pơlei dêh char Kon Tum gô tơroi 52 tơdrong gĭt kăl. Lơ̆m noh, bơngai tăh hla bơngơ̆t truh lơ hăm hla ar tơroi tơbăt găh tơdrong mŭk drăm - tơpôl sơnăm 2024. 

Lơ tơdrong hơgăt hơtŏk tơiung mŭk drăm - tơpôl kơ dêh char ưh kơ iŏk đei trong tơlĕch jang, tơlĕch jên jang teh đak hiơ̆; thu mong jên jang teh đak jô̆ pơ hlom bơ̆jang kiơ̆ dang 4.425 ti hlak jên, lăp iŏk đei hloh 96% tơdrong tơchơ̆t đơ̆ng Jơnŭm pơgơ̆r kon pơlei dêh char pơjao; kơsô̆ tơ jur dơnuh hin, teh pơtăm lơ kơ loăi ‘long pơtăm ưh kơ iŏk đei trong tơlĕch jang. Hơdai hăm ‘noh bơngai tăh hla dêh char Kon Tum kŭm bơngơ̆t truh pơtôch jang kiơ̆ ‘mơ ‘met, tơ jră brăh brư; tơdrong vei lăng, iŏk yua mŭk tơmam teh đak; pơtôch jang kiơ̆ tơdrong jang vei lăng hơdrĕch kon kông.