Lơ̆m noh, tơdrong hơmet Pơkăp dêh char Đăk Lăk sơnăm đơ̆ng 2021 - 2030, sơkơ̆t truh sơnăm 2050 jing kăp gĭt hloh. Pơkăp truh tơdrong sơkơ̆t hơdah tơdrong hơtŏk tơ-iung, jing tơmam drăm vă chơng 'nhăk ăn hơtŏk tơ-iung vă asong bơngai jang, hơvơn tơdrong jang păng sek tơlang tơnăp dôm tơdrong tơhlăk tơhlĭn.

Atŭm hăm noh, pơkăp pơm kiơ̆ tơdrong pơgơ̆r jang đơ̆ng Tổng Bí thư, Kơdră teh đak bơ̆n Tô Lâm: Đăk Lăk kăl tơplih 'nao đon tơchĕng, đơ̆ng vei lăng tơring jing hơtŏk cham char pơm jang, sơkơ̆t hơdah sơnong jang tơroh Tây Nguyên hăm dôm tơring jang mŭk drăm păng dôm tơring nai kơ teh đak. Atŭm hăm pơkăp jang, 'măng hop akŏm adoi hơlen dôm tơchơ̆t đei tơrĕk truh pơkăp kơjă teh, hơnăn teh thu iŏk, asong jang ăn teh đak, iŏk yua jên mong, vei lăng joh ayŏ chĭng chêng, atŭm pơkăp jơnŭm pơgơ̆r păng pơkăp pơm jang kơ Hô̆i đơ̆ng kon pơlei dêh char Đăk Lăk.