Tơ̆ ‘măng hop akŏm, rim bơngai tang măt akŏm mơ̆ng tơbăt dôm tơdrong kăl păng tơgop nơ̆r lơ̆m rim tơdrong tih, đei: Tơroi tơbăt pơtôch bơ̆ jang ƀar păh ‘Măng hop akŏm; Tơbăt tơdrong tơlĕch jang kiơ̆ 02 Tơdrong vă jang (Pơtôch 100 sơnăm Đảng chĕp pơgơ̆r kĕch mang Việt Nam jăl jang 1930 - 2030, tơlĕch trong chĕp pơgơ̆r atŏk tơ iung teh đak lơ̆m 100 sơnăm truh đơ̆ng sơnăm 2030 truh sơnăm 2130, păng Pơtôch 40 sơnăm jang kiơ̆ Tơdrong tơchơ̆t tơ iung pơjing teh đak lơ̆m chăl so tŏk chủ nghĩa xã hội); Tơbăt pơchoh trong găh atok tơ iung Việt Nam; Trong pơprŏ vă pơgơ̆r Hop akŏm bơ̆ jang lý luận lơ̆m teh đak ‘măng mă blŭng păng Tơdrong vă jang tơ iung pơjing păng atŏk tơ iung khul jang chă tơchĕng hơlen khoa hŏk lý luận chĭnh trĭ lơ̆m chăl ‘nao. ‘Măng hop akŏm pơma hơdăh, rim tơdrong vă jang hop akŏm pơtôch hơlen tơdrong jang ‘noh tơdrong bơ̆jang tơm chinh trĭ, khoa hŏk tôch gĭt kăl, kăl đei tơlĕch jang hrơ̆p mĭnh ‘măng, ƀlep trong tơlĕch ăn, sơđơ̆ng ‘lơ̆ng, pơm trong kơnăl lý luận păng yan ou ăn tơdrong tơmơt dơ̆ng, atŏk tơ iung trong bơ̆ jang chĕp pơgơ̆r kơ Đảng.