‘Măng năm ngôi bơ̆jang ‘măng âu đơ̆ng Tổng Bí thư, Kơdră teh đak Tô Lâm hơnơ̆ng tơƀôh hơdăh hơnăp jang hơdrol đơ̆ng Việt Nam, ‘noh jĭ tơm blŭng kơ ASEAN lơ̆m jang hơdai hăm EU. Hăm tơmam ‘lơ̆ng jang hơdai pơih să păng tơdrong lui ngeh kơjăp tơ̆ hơnăp kơnh ‘lơ̆ng hơiă đơ̆ng tơdrong pơvei 2 pang, kiơ̆ dôm jơnei ‘lơ̆ng hơiă lơ̆m hloh 35 sơnăm âu ki, ‘măng năm ngôi, bơ̆jang kŭm jing ‘măng vă 2 păh pơm ‘lơ̆ng hloh dơ̆ng dôm tơdrong jang hơdai gĭt kăl, mă loi ‘noh jĭ tĕch mơdro, tơmơ̆t jên jang, khoa hŏk - kơmăy kơmŏk, pơtho bơngai jang, kiơ̆ đơ̆ng noh pơjing tơdrong pơvei Việt Nam - EU jing rup tơƀôh lơ̆m tơdrong jang hơdai ASEAN-EU.

Hăm Bỉ, ‘măng năm ngôi bơ̆jang vă 2 păh pơm hơtŏk tơplih gĭt kăl găh jang hơdai lơ̆m dôm tơdrong jang Bỉ đei tơmam pran păng Việt Nam tŏk bŏk akŏm tơgŭm hơdrol nhen khoa hŏk - kơmăy kơmŏk, chip bán dẫn, unh hơyuh rơgoh, choh jang sa rơgoh păng tơplih ‘nao hơgei, logistics păng tơnŏk đak dơsĭ hơgei.