Kiơ̆ tơroi, jang hơtŏk mŭk drăm lơ̆m 9 khei kơ sơnăm 2026 kơ dêh char Quảng Trị đei hloh 8,4%, tơmơ̆t lơ̆m jên mong đei jê̆ 9.200 tih hlj. Pơma pơtôch jơ pơm jang, Phŏ Thủ tướng teh đak bơ̆n Lê Tiến Châu tơbang hơdah 3 tơdrong tơnap tap tih, đei jang hơtŏk tam mă đei jơnei nhen tơchơ̆t tơlĕch, tơdrong hơtŏk jang oei gơnơm lơ̆m minh ƀar tơdrong jang gah unh hơyuh tih păng tơdrong asong jên jang kŏng oei adar.

Phŏ Thủ tướng pơgơ̆r hăm dêh char dah akŏm jang kiơ̆ 8 tơdrong jang tơm, lơ̆m noh sơkơ̆t hơdah asong jên jang kŏng jing sơnong jang chĭnh trĭ; pơklaih tơhlăk tăk hăm dôm tơdrong jang oei đom; iŏk yua mŭk drăm unh hơyuh, dơnŏk duk, 'măng sơlam teh păng tơring jang mŭk drăm Hơlĕch – Pơmơ̆t; dah hrôih keh đang Tơring akŏm tĕch răt găn sơlam teh Lao Bảo – Densavan păng hơtŏk tơring tơm Cồn Cỏ. Atŭm hăm noh, dêh char kăl hơtŏk 'lơ̆ng pơtho pơhrăm đơ̆ng rŏng kơ hơgrop hnam trưng hŏk.