'Măng hop akŏm mă 47 kơ Anih Juăt jang kơ Kuôk hô̆i
Thứ sáu, 07:48, 11/07/2025
Lan chih tơblơ̆
Lan chih tơblơ̆
VOV4.Bahnar – Năr 10/7, pơgơ̆r 'măng hop akŏm mă 47 kơ Anih Juăt jang Kuôk hô̆i, Kơdră Kuôk hô̆i Trần Thanh Mẫn pơgơ̆r dah akŏm pơjing khôi luơ̆t, tơplih 'nao pran kơtang gah tơdrong akŏm, trong pơm jang păng tơdrong 'lơ̆ng vă sơkơ̆t sơnong jang kăp gĭt kơ Kuôk hô̆i păng Jơnŭm pơgơ̆r teh đak, pơjing tơdrong tơm ăn jăl jang hơtŏk tơ-iung 'nao.
'Măng hop akŏm hlôi tơgop nơ̆r gah 8 tơdrong. Tơrĕk hloh noh gah chih akŏm Tơbang tơdrong jang hơlen juăt jang “Tơdrong pơm kiơ̆ pơkăp, khôi luơ̆t gah hơtŏk păng yua bơngai jang trŏ hăm tơchơ̆t hơtŏk mŭk drăm – tơpôl, mă kăl noh bơngai jang gơh hơgei”; hơmet Tơdrong chih akŏm khôi luơ̆t sơnăm 2025; tơgop nơ̆r gah tơdrong sơkơ̆t 'Măng hop akŏm mă 9 păng tơgop nơ̆r mă blŭng gah tơdrong hơmet ăn 'Măng hop akŏm mă 10...
Kơdră Kuôk hô̆i akhan, khei năr truh jing khei năr mă hơtuch kơ jăl jang Kuôk hô̆i jăl 15, rim anih jang kơ Kuôk hô̆i athei jang hơdoi kơjăp hăm Jơnŭm pơgơ̆r teh đak, rim anih jang đei tơrĕk, akŏm keh đang dôm sơnong jang đei pơjao lơ̆m tơdrong pơkăp jang hlôi đei tơlĕch kơ sơnăm 2025 păng pơđĭ jăl jang.
Viết bình luận