Kiơ̆ tơdra hơdrol, Kuô̆k hô̆i hop akŏm tơ̆ Hnam Kuô̆k hô̆i păng đei pơgơ̆r 2 ‘măng: ‘Măng mă 1 đơ̆ng năr 22/5 truh năr 10/6 păng ‘măng mă 2 đơ̆ng năr 19/6 truh năr 23/6.

‘Măng hop akŏm au, Kuôk hô̆i gô lăng hơlen, pơdrơ̆ng kiơ̆ 8 khôi luơ̆t, đei: Khôi luơ̆t vei lăng năng tông tơdrong đei iŏk yua ăn bơngai răt yua (hơmet ming); Khôi luơ̆t tơchă bơngai iŏk jang (hơmet ming); Khôi luơ̆t Kơjă (Hơmet ming); Khôi luơ̆t tĕch răt điên tư (hơmet ming); Khôi luơ̆t Hơp tak xah (hơmet ming); Khôi luơ̆t kơchăng tang găn hơlau; Khôi luơ̆t hơmet ming, tơmơt dơ̆ng mĭnh ƀar apăng kơ Khôi luơ̆t mơ̆t lĕch kơ kon pơlei Việt Nam păng Khôi luơ̆t mơ̆t lĕch, oei sa kơ bơngai teh đak đe tơ̆ Việt Nam.  8 tơdrong vă pơjing khôi luơ̆t gô đei Kuô̆k hô̆i ăn tơgop nơ̆r, đei: Khôii luơ̆t Groi teh (hơmet ming); Khôi luơ̆t tĕch mơdro teh hnam (Hơmet ming); Khôi luơ̆t Vei lăng ăng tông hơnih jang kăl teh đak păng hơnih oei khul lĭnh ƀô̆ đô̆i; Khôi luơ̆t kăn kươk kon pơlei (hơmet ming); Khôi luơ̆t rim hơnih jang mong jên ăn tŏk iŏk (hơmet ming).