Lơ̆m ‘măng hop akom ou, Hơnih bơ̆jang Kuô̆k hô̆i gô hơnơ̆ng lăng hơlen, ăn tơgop nơ̆r lơ̆m lơ tơdrong vă pơjing khôi luơ̆t, tơdrong tơchơ̆t. Tơ̆ hop akŏm ou, Hơnih chĕp pơgơ̆r Kuô̆k hô̆i lăng hơlen, pơdrơ̆ng kiơ̆ rim tơdrong vă pơjing Tơdrong tơchơ̆t nhen: Tơdrong tơchơ̆t găh Tơdrong jang pơjing khôi luơ̆t sơnăm 2027; Tơdrong tơchơ̆t sơkơ̆t hơdăh găh rim hơnih bơ̆ jang dăr lăng đei iŏk tŏ sĕt đơ̆ng rim kon jên iŏk tơvih, đei ƀôh đơ̆ng dăr lăng hơlen đơ̆ng rŏng ba ăn hơnih mong jên bơ̆ jang teh đak vă proh ăn tơdrong bơ̆ jang păng atŏk kơtang jang ‘lơ̆ng kơ Hơnih bơ̆ jang dăr lăng; Tơdrong tơchơ̆t sơkơ̆t hơdăh găh tơdrong vei lăng năng tông Kơdră chĕp pơgơ̆r xek tơlang. Găh tơdrong dăr lăng, Hơnih bơ̆ jang Kuô̆k hô̆i gô ăn tơgop nơ̆r găh tơbăt hơdăh bơ̆ jang sơnăm 2026, trong pơprŏ hơlen kon jên bơ̆ jang sơnăm 2027 kơ Hơnih jang Jên hu teh đak; lăng hơlen tơroi tơbăt bơ̆ jang hơlen, tơblang hơdăh nơ̆r tơgop đơ̆ng kon pơlei kơ Kuô̆k hô̆i khei 8/2026. Găh tơdrong tơchơ̆t rim tơdrong kăl, Hơnih bơ̆jang chĕp pơgơ̆r Kuô̆k hô̆i gô ăn tơgop nơ̆r găh Tơdrong vă jang Tơdrong jang tơm teh đak tang găn, iung tơjră phă pơrăm pơm yoch jăl jang 2026 -2030, lăng truh sơnăm 2035.