Vang chơt hơiă hăm đe oh hơioh tơ̆ tơdrong jang Trung thu ‘mêm kơ eng Tơ̆k hơdăh tơdrong hơpơi ‘meh kơ Hnam trưng Mầm non Trung Môn (hnam trưng kơ Kim Phú), Phŏ Thủ tướng Phạm Thị Thanh Trà hlôi năm ngôi apĭnh jet gia, pơlung, pơjao tơmam Trung thu păng pơtruh nơ̆r thơ thâu ‘lơ̆ng hơiă truh đe mon hơioh; Pơjao asong ăn Hnam trưng Mầm non Trung Môn, hnam trưng kơ Kim Phú 01 pôm tivi pơyua ăn tơdrong jang pơtho hŏk, ngôi pơchơt kơ đe mon; Khŭl kŭm pơjao asong 30 tŏ kơmăy tĭnh ăn kơ 6 xăh ‘noh: Đồng Yên, Tiên Yên, Liên Hiệp, Nhữ Khê, Phú Lương păng Trường Sinh, tơgop pơm hơtŏk loi dơ̆ng anih jang, tơmam drăm, pơyua ăn iŏk yua kơmăy kơmŏk kơtơ̆ng ang păng tơplih kơsô̆ tơ̆ tơring.

Phŏ Thủ tướng Phạm Thị Thanh Trà athei dêh char Tuyên Quang hơnơ̆ng ‘măn tơdrong bơngơ̆t truh ‘lơ̆ng hloh, mă loi ‘noh jĭ hơnih hŏk pơhrăm, tơdrong hiôk vă dôm hnam trưng, anih pơtho hŏk hơtŏk tơiung hloh dơ̆ng; đe thây kô pơtho hơnơ̆ng ‘măn tơdrong ‘mêm kơ eng tôm ăn kơ đe oh, vei lăng ăn kơ đe oh vă rim năr truh tơ̆ hnam trưng ‘noh 1 năr chơt hơiă.