VOV4. Bahnar - Năr 20/7, khŭl bơ̆ jang Trung ương Đoàn hơdrŭh tơdăm Kŏng san Hồ Chí Minh kơ yuơ Bí thư Trung ương đoàn, Kơdră chĕp pơgơ̆r Khŭl Đội Trung ương Nguyễn Phạm Duy Trang pơm kơdră khŭl hlôi năm ngôi, pôk tơmam drăm ăn rim khŭl hơdrŭh tơdăm năm jang pơyan pơdơ̆h hŏk sơnăm 2022 tơ̆ apŭng sơlam tĕh đak Ea Sup, dêh char Dak Lăk.

Khŭl năm ngôi pôk tơmam drăm ăn rim Khŭl năm iung jang Pơyan pơdơ̆h hŏk tơ̆ apŭng sơlam tĕh đak Ea Sŭp, dêh char Dak Lăk

Khŭl hlôi vang pơm lêh et hơtŏk tơdrong jang Hơdrŭh tơdăm năm jang Pơm hơdăh trong nơnăm pơlei pơla păng năm ngôi, pôk tơmam drăm ăn rim khŭl hơdrŭh tơdăm năm iung jang khei pơdơ̆h hŏk tơ̆ rim tơring Ia Lôp, Ia R’vê păng năm hơpong hơnih man tơbăt, năm ngôi hơdrơ̆ng sơlam tĕh đak, pôk tơmam drăm ăn Kơđông ƀô̆ đô̆i vei lăng sơlam tĕh đak Ea Hleo. Tơ̆ hơnĭh trŭh khŭl hlôi apĭnh jet gia, hơlêm rim bơngai vang năm iung jang, pơma dơnŭh hăm rim hơ iŏh păng ƀô̆ đô̆i vei lăng sơlam tĕh đak, pôk ăn rim tơnô̆ tơmam drăm kơ jă kơ jên 2 trĭu 500.000 hlak jên tơgŭm ăn rim khŭl băm iung jang.

Tơblơ̆ nơ̆r: Amazưt