‘Nâu jĭ ‘măng pơdă tơmam khul linh apŭng plenh tĕh ‘măng mă blŭng yoa Anih tơm vei lăng khul linh tĕh đak Việt Nam pơgơ̆r, jing tơdrong ‘lơ̆ng ăn dôm anih pơm tơlĕch lơ̆m tĕh đak păng anih tĕch mơdro tơm kơ apŭng plenh tĕh ming pơdă păng roi tơƀôh dôm kơmăy kơmŏk, phao kơtoang, ki thuơ̆t ‘nao hlŏh. Anih ming pơdă xă hlŏh 50.000m2, đei hloi anih ming pơdă lơ̆m hnam păng tơ̆ ‘ngoăih.

Truh dang ei, 170 anih jang lơ̆m tĕh đak păng tĕh đak đe truh đơ̆ng 30 tĕh đak lơ̆m tơring ASEAN, châu Á, châu Âu, châu Mi đei tơmam ming pơdă tơ̆ âu, lơ̆m nŏh đei lơ gre tơblăh, kơmăy kơmŏk, phao kơtoang, kơmăy pơ yoa ăn khul linh đak dơ sĭ, khul linh tơblăh tơ̆ tĕh, khul linh gre păr. ‘Măng pơdă vă hơtŏk, pơih xă tơdrong pơvei, jang hơdoi lơ̆m apŭng plenh tĕh, tơdrong jang tơbôl găh khul linh, pơjing đon lui đơ̆ng Việt Nam păng dôm tĕh đak lơ̆m apŭng plenh tĕh.