Hop akŏm jĭ tơdrong chĭnh trĭ tih tên kơ khul mơlôh, năr akŏm tơguăt tơguăl tôm đe hơdruh tơdăm Việt Nam băt 'mêm kơ teh đak, pơm gru kơnăl hơtŏk tơ-iung 'nao kơ Jơnŭm jang kơ đe hơdruh tơdăm. Hăm hơnăn iung pơm jang: “Hơdruh Tơdăm Việt Nam băt 'mêm kơ teh đak – hơpơi 'meh – tơguăt tơguăl – yuk hơlâu – gơh hơgei – lui ngeh yak jang lơ̆m jơhnơr hơrih 'nao”, Hop akŏm Jơnŭm đe Hơdruh Tơdăm Việt Nam 'măng mă 9 akŏm sơkơ̆t dôm sơnong jang, trong pơm jang lơ̆m pơm kiơ̆ “Inh 'mêm kơ teh đak inh” păng tơdrong jang “Pơjing Jơnŭm jang đe hơdruh tơdăm Việt Nam kơjăp kơtang”.

Lơ̆m 'năr brei (17/12), Hop akŏm hlôi pơma đam pơtruh 135 'nhŏng pơmai vang jang lơ̆m Jơnŭm jang Trung ương Jơnŭm jang đe hơdruh tơdăm Việt Nam jăl 9; pơkăp hăm 8 'nhŏng pơmai vang jang lơ̆m Jơnŭm jang Hơlen kơ Jơnŭm jang jăl 9. Rim bơngai tang măt adoi vang akŏm lơ̆m 6 khul pơma đam gah dôm tơdrong tơlĕch jang kơ hơdruh tơdăm lơ̆m jăl jang 'nao.