VOV4.Bahnar - ‘Mi tih đunh jơ til pơ gê ‘năr 26/5 pơm ăn 1,2 tơ ring găh 2 xăh Mỹ Đức păng Dă Pal kơ apŭng Dă Teh, dêh char Lâm Đồng đei đak lơ̆p jrŭ. Dôm jĭt tŏ hnam kon pơ lei kŭm hăm kơ hrĕng ha ‘long pơ tăm pŭ răm. Kiơ̆ kơ sô̆ chih jô̆ blŭng a đơ̆ng anih jang kơ pal, đei 22 tŏ hnam kon pơ lei tơ̆ thôn 5, thôn 7 kơ xăh Mỹ Đức păng plei Xuân Châu kơ xăh Dă Pal đak lơ̆p truh 1 puăt met.

‘Mi tih đak lơ̆p tơ̆ 1,2 tơ ring lơ̆m apŭng Dă Teh, dêh char Lâm Đồng 

‘Mi tih đak tŏk oei pơm ăn 270ha ‘long pơ tăm, mă lơ ‘nŏh ‘long mur, ‘long xa plei păng 1,2 sơ lŭng rong ka kơ kon pơ lei tơ̆ tơ ring thŭng găh 2 xăh đei đak lơ̆p, hiong răm. Lơ jăl trong tơ̆ pơ lei, Trong ĐH95 năm klĕch xăh Dă Pal đei đak xa, tĕh hơ lih, mă loi ‘nŏh ƀât dôm jăl trong oei pơm tam đang.

Dơ̆ng: Tơ blơ̆