Đơ̆ng rŏng 1 sơnăm bơ̆ jang, đĭ đăng 102 xăh, phường tơ̆ Đắk Lắk hlôi pơjing đei Anih pơm hla ar ăn tơpôl păng Anih pơtruh tơdrong pơvih jang kơmăy. Tơdrong klăih song hơnăp jang đei tưk pran kiơ̆ đơ̆ng hơtŏk đon kơchăng ăn tơring, vang tơgop pơm tơjur ƀiơ̆ jơnăr pơm hla ar păng hơtŏk ‘lơ̆ng tơdrong pơvih ăn kon pơlei.

Đắk Lắk hlôi pơgơ̆r pơtho pơhrăm ming ăn hlŏh 15.000 ‘nu kăn ƀô̆ tơ̆ tơring vă pơm lăp hăm tơdrong jang lơ̆m chăl ‘nao. Tơdrong pơm hla ar vei lăng, tơplih hăm kơmăy sô̆ roi ‘lơ̆ng; tơdrong jang tơ̆ dôm anih pơm hla ar ăn tơpôl hiôk sơđơ̆ng. Ƀok Lương Nguyễn Minh Triết, Bí thư Đảng dêh char Đắk Lắk athei rim anih jang hơnơ̆ng hơlen năng, hơmet pơ ‘lơ̆ng khul jang; jăh rơih hơmet khul kăn ƀô̆ bơ̆ jang tơ̆ tơring; hơtŏk tơdrong klăih song hơnăp jang, pơjao tơdrong hơlen năng, vei lăng păng hơnăp jang tơl tơblang; akŏm jên, tơmam pơ ‘nhŏ ăn tơdrong jang tơplih hăm kơmăy sô̆.