VOV4.Bahnar - Pơ gê (31/5), Anih tơm jang Nô̆i vŭ pơ gơ̆r mít tinh pơm kiơ̆ Năr apŭng plenh tĕh ưh đei hât hla, giĕng tĕh đak ưh đei et hât păng roi tơ băt găh trong tang găn tơ drong răm đơ̆ng hât hla kơ Anih tơm Nô̆i vŭ sơ năm 2022.

Pơ ma lơ̆m jơ pơm lêh mính tinh, ƀok Vũ Đăng Minh, Chánh Văn phòng Anih tơm Nô̆i vŭ ăn tơ băt, vă năm truh 1 anih arih xa ưh đei ‘nhui hât, Anih tơm Nô̆i vŭ tơ lĕch lơ trong jang nhen: in, ƀơk hla ar, rup tang găn tơ drong răm đơ̆ng hât hla; roi tơ băt khôi luơ̆t tang găn tơ drong răm đơ̆ng hât hla; kâm ưh ăn et hât tơ̆ anih jang, chih tơ drong kâm et hât lơ̆m nơ̆r hơ găt tơ̆ anih jang.

Tơ̆ hơ năp kơnh, Anih tơm Nô̆i vŭ kŭm vă hơ nơ̆ng roi tơ băt găh tơ drong răm đơ̆ng et hât, mă loi jĭ dôm tơ drong ƀơm truh hơ năp jang đơ̆ng bơ ngai chĕp kơ̆l, hơ năp jang đơ̆ng bơ ngai et hât. 

Dơ̆ng: Tơ blơ̆