Tơ drong hơ iă lơ̆m giĕng bơ̆ jang ‘noh jĭ Kuôk hô̆i pơ ma dơ nuh găh tơdrong jang tang găn pơm glăi păng pơm glăi khôi luơ̆t; tơdrong jang pơm kiơ̆ tơdrong tơ chơ̆t sek tơ lang; tơ drong jang tang găn sa pơ gơ̆m pơ jĭp sơ năm 2022. Mĭnh tơ drong gĭt kăl nai ‘noh jĭ Kuôk hô̆i pơ ma dơ nuh găh Tơ drong tơ chơ̆t đơ̆ng Kuôk hô̆i găh tơ mơ̆t yua khei ‘năr pơ kăp sek phak ki luơ̆t hăm kang ƀô̆, bơ ngai jang kơ teh đak păng tơ drong jang kiơ̆ Luơ̆t mơ̆t lĕch lơ̆m teh đak đơ̆ng kon pơ lei Việt Nam ƀơm truh tơ drong kơ tơ̆ng ang “ hơ nih rơ neh” lơ̆m hộ chiếu.

Lơ̆m giĕng bơ̆ jang, Kuôk hô̆i kŭm pơma dơ nuh găh: Luơ̆t Hơp tak xăh ( hơ met ming ); Luơ̆t kon pơ lei vang vei lăng teh đak; Luơ̆t vei lăng tơ drong đei yua kơ bơ ngai răt yua ( hơ met ming); Luơ̆t tĕch mơ dro lơ̆m kơ măy điện tử (hơ met ming); Luơ̆t kơ jă ( hơ met ming) păng Luơ̆t chă rơih anih iŏk jang ( hơ met ming).