Kiơ̆ tơbăt tơ̆ hop akŏm, sơnăm 2024, mŭk drăm tơpôl dêh char Dak Lăk hlôi iok đei jơnei hơ iă, 12 lơ̆m 16 trong tơlech jang hlôi jang keh đang păng keh đang hloh trong tơlĕch ăn. Tơdrong tŏk muk drăm mă đơ̆ng tim mă trŏ lăp nhen hơpơi ‘meh vă mă lei tơdrong jang mŭk drăm hơnơ̆ng vei kơjăp lơ̆m hơyak atŏk tơ iung ‘lơ̆ng, akŏp tơmam drăm lơ̆m dêh char (GRDP) tŏk vă jê̆ 20% pơtêng hăm sơnăm sơ̆. Bơ̆ jang vei lăng sơđơ̆ng tơpôl, tơjur dơnuh đei tơlĕch jang tơtom; sơđơ̆ng chinh trĭ, sơđơ̆ng dơ̆ng kơjăp tơpôl ‘lơ̆ng hơ iă. Atŏk kơtang hơnăp jang, jang kiơ̆ ‘lơ̆ng tơdrong hơtŏ hơnơ̆ng, tơ̆ hop akŏm hơtuch sơnăm ou, Khul kơdră chĕp pơgơ̆r Đảng dêh char Dak Lăk akŏm pơma dơnuh, drơ̆ng mĭnh nơ̆r rim tơdrong jang tơm lơ̆m sơnăm 2025 sơđơ̆ng ‘lơ̆ng hơ iă, jơnei păng trŏ lăp hăm yan ou, mă kăl tơdrong tơlĕch iung jang hơmet ming pơm kơtoei khul kơdră chĕp pơgơ̆r trŏ lăp nhen tơdrong hơpơi ‘meh vă đơ̆ng Trung ương.