Rim bơngai joăt jang hlôi tơchă ƀô̆h dơ̆ng dang 175m hơgơ̆p. Hăm đei ƀô̆h ‘nao au, Hơgơ̆p C7 hlôi atŏk trôm hơgơ̆p kơjung hlŏh 1.240m. ‘Nau hơgơ̆p kông ŭnh jrŭ hlŏh lơ̆m tơring Đông Nam Á đei ƀô̆h jô̆ trŭh dang ei. 

Lơ̆m dôm năr đơ̆ng rŏng, khŭl joăt jang gô vĭh hơlơ̆k tơ̆ Hơgơ̆p C7 vă pơtŏ, chhơ̆ păng pơjing hla kak 3D lơ̆m trôm hơgơ̆p. ‘Nau jing tơdrong kăl hlŏh găh bơ̆ jang khoa hŏk hăm mŭk drăm cham char kơ dêh char Đắk Nông, tơmơ̆t dơ̆ng tơdrong gĭt kăl ăn hla bơar hô sơ vă hơlen sơkơ̆t hơdăh trŭh au kơnh.

7. Dơnŏ anĭh vei lăng kon pơlei dêh char Kon Tum ‘nao kĭ tơchơ̆t Tơdrong jang tơgum djru atŏk tơ iung Mŭk drăm-Tơpôl hơdrung kon kông kơ toei măt bơngai (hơdrung Rơ Măm). Kiơ̆ kơ ‘nŏh, dêh char tơgŭm djru găh yŏng kon tơrong, hơdrĕch ‘long pơtăm, tơgŭm djru hŏk pơhrăm ăn hŏk tro kon kông lơ̆m tơring pơma atŭm păng kon pơlei Rơ Măm mơma hơdrô̆. Jei hơnơ̆ng vei kơjăp, atŏk tơ iung păng atŏk hơnĭh dơư̆ng; tơjur dơnŭh, hơmet pơ ‘lơ̆ng erĭh sa ăn kon pơlei Rơ Măm. Dơnŏ anĭh vei lăng kon pơlei dêh char Kon Tum tơlĕch trong jang tơmơ̆t jên jang atŏk tơ iung mŭk drăm-tơpôl kon kông tơnap tap (hơdrungRơ Măm) lơ̆m dêh char trŭh sơnăm 2025, mă hơdăh: Trŭh sơnăm 2025, jang sa iŏk đei jô̆ hơtŏ măt bơngai đei 30 trĭu hlak jên; hơdrin pơm tơjur ŭnh hnam dơnŭh pă 20%. Tơdrong erĭh sa kơ kon pơlei RơMăm hơtŏ hăm rim hơdrung anai lơ̆m tơring, atŏk măt bơngai kang ƀô̆ hơdrung Rơ Măm vang bơ̆ jang khŭl jang chĭnh trĭ tơ̆ tơring.