VOV4.Bahnar - Kơ tơ̆ng ang đơ̆ng Anih jang Kuôk hô̆i tơ băt, kiơ̆ tơ chĕng hơ drol tơ drong jang ‘măng hop akŏm mă 7 kơ Anih chĕp kơ̆l pơ gơ̆r Kuôk hô̆i gô pơ gơ̆r đơ̆ng ‘năr 18-19/1/2022. Tơ̆ ‘măng hop akŏm âu, găh tơ drong jang pơ jing khôi luơ̆t, Anih chĕp kơ̆l pơ gơ̆r Kuôk hô̆i gô set hơ len, ăn tơ gop nơ̆r găh: Tơ drong tơ roi tơ blang, chih iŏk, hơ met ming Luơ̆t pơ jei băl, pôk hơ păh ( hơ met ming); athei tơ mơ̆t dơ̆ng Tơ drong tơ chơ̆t đơ̆ng Kuôk hô̆i pơ long lăng tơ drong jang pơ gơ̆r bơ̆ jang, tơ ƀôh tơ drong jang, pơ tho tơ drong jang ăn bơ ngai pơ nă lơ̆m tơ drong jang pơ jing khôi luơ̆t sơ năm 2022; set hơ len, tơ chơ̆t tơ drong jang kiơ̆ hơ băn ao sek tơ lang kơ bơ ngai sek tơ lang kon pơ lei. Kŭm tơ̆ ‘măng hop akŏm âu, Anih chĕp kơ̆l pơ gơ̆r Kuôk hô̆i gô set hơ len tơ roi tơ băt tơ drong jang kon pơ lei apĭnh, athei khei 12/2021 kơ Kuôk hô̆i; tơ drong jang hơ met ming pơ gơ̆r tơ̆ lơ̆m păng ƀiên chê̆ kơ Anih jang Kuôk hô̆i; ăn tơ gop nơ̆r găh pơ tôch ‘măng hop akŏm ưh kơ ê ‘măng mă mônh, Kuôk hô̆i jăl XV.

Thuem: Tơ blơ̆