VOV4.Bahnar - Tơ̆ ‘măng hop akŏm mă 16, Dơnŏ anĭh chĕp pơgơ̆r Kuô̆k hô̆i ăn tơgop nơ̆r găh hơmet ăn ‘măng hop akŏm mă 4 kơ Kuô̆k hô̆i. Dơnŏ anĭh chĕp pơgơ̆r Kuô̆k hô̆i drơ̆ng mĭnh nơ̆r ‘măng hop akom mă 4, Kuôk hô̆i XV gô pơgơ̆r blŭng a ƀơ̆t năr 20/10 păng pơtôch tơ̆ kơsơ̆ năr 15/11 kơnh. Jơ ‘năr pơgơ̆r hop akŏm ‘nŏh lơ̆m 21 năr hăm pơgơ̆r ‘lơ̆ng hơ iă, pơkom kơtang jơ ‘năr păng hop akŏm kơtă hloi tơ̆ Hnam Kuô̆k hô̆i. Tổng Thư ký, Kơdră chĕp pơgơ̆r Dơnŏ anĭh bơ̆ jang Kuôk hô̆i Bùi Văn Cường tơbăt: Tơchĕng hơdrol Kuô̆k hô̆i pơprŏ chă apĭnh, tơl hơdăh lơ̆m 2 năr 1 poăt, đơ̆ng kơsơ̆ năr 3 trŭh năr 5/11 păng bơ̆ jang tôm tơdrong đơ̆ng blŭng hop akŏm hloi. Kuô̆k hô̆i jei ‘măn 1 năr 1 poăt chă pơma dơnŭh tơ̆ Hnam hop akom găh tơdrong jang mŭk drăm, tơpôl păng kon jên hu păng kon jên bơ̆ jang tĕh đak. Kơdră chĕp pơgơ̆r Kuô̆k hô̆i Vương Đình Huệ tơbăt: ‘măng hop akŏm pơma dơnŭh găh tơdrong jang mŭk drăm tơpôl păng Tơdrong vă pơjing Khôi luơ̆t Groi tĕh (hơmet ming) gô krao hơvơn kơdră chĕp pơgơ̆r 63 dêh char, pơlei tơm vang năm, mơ̆ng pơma dơnŭh păng đei tơklăh jing 2 ‘măng. Dơnŏ anih chĕp pơgơ̆r Kuô̆k hô̆i athei, ư̆h kơ gơ̆h pơhơi, kăl jang ‘lơ̆ng bơ̆ jang tang găn jĭ hơbŭh, sơđơ̆ng dơ̆ng kơ jăp ăn ‘măng hop akŏm mă 4, Kuô̆k hô̆i jăl XV.

VOV/Amazưt tơblơ̆