VOV4.Bahnar - Kơ sơ̆ ‘năr 15/7, Jơ nŭm pơ gơ̆r kon pơ lei pơ lei tơm Hà Nội hlôi đei hra ar krao hơ vơn ‘măng hop akŏm mă 8, Jơ nŭm pơ gơ̆r kon pơ lei pơ lei tơm jăl 16, jăl jang 2021-2026 vă set hơ len, tơ chơ̆t 1,2 tơ drong găh gơ̆h kĭ. ‘Măng hop akŏm gô pơ gơ̆r lơ̆m kơ sơ̆ ‘năr 22/7 truh, vă set hơ len, pôk kơ chư̆k Kơ dră Anih vei lăng kon pơ lei pơ lei tơm Hà Nội. Hơ drol ‘noh, Anih tơm Chĭnh trĭ hlôi đei Tơ chơ̆t kơ sô̆ 567 ‘năr 14/7 athei vang jang lơ̆m Khŭl kơ dră chĕp kơ̆l păng pơm Phŏ Bí thư Anih jang Đảng dêh char Hà Nội jăl jang 2020-2025. Kiơ̆ kơ ‘noh, Anih tơm Chĭnh trĭ ăn ƀok Trần Sỹ Thanh, bơ ngai jang lơ̆m Trung ương Đảng, Bí thư Khŭl kang ƀô̆ đảng jô̆ hơ len jên teh đak, Anih jang jô̆ hơ len jên teh đak pơ dơh kơ pơm Bí thư Khŭl kang ƀô̆ đảng jô̆ hơ len jang teh đak, vă athei jang lơ̆m Khŭl kơ dră chĕp kơ̆l păng Anih jang Đảng pơ lei tơm, pơm Phŏ Bí thư Anih jang Đảng pơ lei tơm Hà Nội jăl jang 2020-2025, hơ dai hăm roi tơ ƀôh ƀok Trần Sỹ Thanh vă Jơ nŭm vei lăng kon pơ lei pơ lei tơm Hà Nội pôk pơm Kơ dră Anih vei lăng kon pơ lei pơ lei tơm Hà Nội jăl jang 2021-2026.

Thuem: Tơ blơ̆