VOV4.Bahnar - Pơ gê ‘năr 18/2, tơ̆ Anih vei lăng joh ayŏ Kinh Bắc, pơ lei tơm Bắc Ninh anih jang Đảng dêh char Bắc Ninh pơ gơ̆r hop akŏm roi tơ băt hăm khŭl chih kơ tơ̆ng ang tơ roi găh dôm tơ drong jang tơ băt 190 sơ năm pơ jing păng 25 sơ năm pơ jing ming dơ̆ng dêh char. Kiơ̆ kơ Anih pơ gơ̆r jang, đơ̆ng ‘năr 26/01 truh ‘năr 28/02 tơ̆ pơ lei tơm Bắc Ninh păng dôm apŭng, thị xăh lơ̆m dêh char gô pơ gơ̆r lơ tơ drong jang tơ băt 190 sơ năm pơ jing păng 25 sơ năm pơ jing ming dơ̆ng dêh char Bắc Ninh. Mă loi ‘noh, lêh tơ băt gô pơ gơ̆r lơ̆m pơ gê ‘năr 26/2/2022 hăm tơ drong joh ayŏ kơ dŏ soang ‘lơ̆ng hơ iă hăm hơ năn “Bắc Ninh - Rạng rỡ miền văn hiến” gô pơm tơ ƀôh dơ̆ng găh Bắc Ninh - Kinh Bắc, 1 tơ ring teh so, hơ gei; hăm ƀĕnh jơ hnơr arih joh ayŏ, joăt joe pơ nam hơ kŏk...păng tơ drong jang kach mang. Ƀok Ngô Văn Liên, Kơ dră Ban Tuyên giáo anih jang Đảng dêh char Bắc Ninh tơ băt, đơ̆ng rŏng 25 sơ năm pơ jing ming dơ̆ng, Bắc Ninh hlôi jang tŏk pran kơ tang, jing anih jang tŏk tơ ring anih kơ drơ̆m păng dôm dêh char găh tu, hrei ‘nâu, Bắc Ninh hlôi jing dêh char jang kơ măy kơ mŏk kiơ̆ trong ‘nao hăm lơ tơ drong hơ găt mŭk drăm tơ pôl oei lơ̆m grŭp hơ drol kơ lơ̆m teh đak.

Thuem: Tơ blơ̆