VOV4.Bahnar - Kiơ̆ tơ drong jang lơ̆m Hop akŏm mă 3, Kuô̆k hô̆i jăl XV, ‘năr 27/5, Kuô̆k hô̆i hơ nơ̆ng bơ̆ jang lơ̆m hnam hôp, pơ ma nuh găh dôm kơ luơ̆t. Til pơ gê, Kuô̆k hô̆i mơ̆ng Kơ dră chĕp kơ̆l Anih tơm Nô̆i vŭ Phạm Thị Thanh Trà, kiơ̆ nơ̆r athei đơ̆ng Thủ tướng tĕh đak pơ re hla ar chih tơ roi găh Luơ̆t bơ̆ jang kiơ̆ tơ drong pơm tơm đơ̆ng kon pơ lei tơ̆ tơ ring.

Đơ̆ng rŏng kơ ‘nŏh, Kơ dră Anih jang luơ̆t kơ Kuô̆k hô̆i Hoàng Thanh Tùng pơ re hla ar chih hơ len năng luơ̆t ‘nâu. Đang kơ ‘nŏh, Kuô̆k hô̆i mơ̆ng Kơ dră jang lơ̆m Anih chĕp kơ̆l pơ gơ̆r Kuô̆k hô̆i, Kơ dră Anih vei lăng rim tơ drong lơ̆m tơ pôl kơ Kuô̆k hô̆i Nguyễn Thúy Anh pơ re hla ar tơ blang, chih akŏm, hơ met ming luơ̆t Pơ jei pôk hơ păh. Kuô̆k hô̆i pơ ma nuh tơ̆ hnam hôp găh 1,2 tơ drong oei đei lơ nơ̆r pha ra băl lơ̆m Luơ̆t pơ jei, pôk hơ păh.

Dơ̆ng: Tơ blơ̆