VOV4.Bahnar - Hơ nơ̆ng bơ̆ jang lơ̆m Hop akŏm bơ ngai tang măt jang kơ tă lơ̆m Kuô̆k hô̆i, ‘năr 29/3, dôm bơ ngai tang măt tơ gop nơ̆r ăn Luơ̆t pơm Sinrơma (oei chih hơ met) păng Luơ̆t tĕch mơ dro ƀao hiêm (oei chih hơ met).

Hop akŏm bơ ngai tang măt jang kơ tă lơ̆m Kuô̆k hô̆i tơ gop nơ̆r ăn 2 kơ luơ̆t

Lơ̆m nŏh, Luơ̆t pơm Sinrơma đei chih hơ met tôm tơ drong vă tơ ƀôh hơ dăh trong jang đơ̆ng Đảng, khôi luơ̆t tơm sơ năm 2013, pơ jing anih pơm sinrơma Việt Nam gơ̆h hơ gei, ‘lơ̆ng hơ iă, ƀĕnh um ai hơ drĕch hơ drung lăp hăm tơ drong jang mŭk drăm chăl ‘nao kiơ̆ trong xã hội chủ nghĩa păng lăp hăm rim kơ luơ̆t, bơ̆ jang đei yoa nơ̆r pơ kăp hăm apŭng plenh tĕh găh pơm sinrơma păng atŏk tơ iung kơ măy kơ mŏk pơm sinrơma.

Dôm tơ drong oei đei lơ nơ̆r pơ ma pha ra băl lơ̆m luơ̆t ‘nŏh: Tơ drong tơ gŭm đơ̆ng tĕh đak găh atŏk tơ iung Sinrơma, kơ măy kơ mŏk pơm Sinrơma; Pơ truh tơ mam pơm phim ăn khul grŭp, rim bơ ngai đơ̆ng tĕh đak đe; Pơm phim hăm jên tĕh đak; Roi tơ ƀôh phim lơ̆m mang; păng Anih mong jên tơ gŭm atŏk tơ iung Sinrơma.

Dơ̆ng: Tơ blơ̆