Năr 21/12, kơ yuơ Kơdră chĕp pơgơ̆r Kuô̆k hô̆i Vương Đình Huệ chĕp pơgơ̆r, Dơnŏ anĭh chĕp pơgơ̆r Kuô̆k hô̆i hop akŏm lăng hơlen bơ̆ jang hơmet ăn păng ăn tơgop nơ̆r găh dôm tơdrong ‘măng hop akŏm hăt hot mă 2, Kuô̆k hô̆i jăl XV.

Kiơ̆ kơ ‘nŏh, tơchĕng hơdrol, ‘măng hop akŏm hăt hot, Kuô̆k hô̆i bơ̆ jang lơ̆m 4 năr, pơgơ̆r blŭng a lơ̆m năr 5/01/2023. Tơ̆ ‘măng hop akŏm hăt hot ‘măng mă 2, tơdrong kăl ‘nŏh Kuô̆k hô̆i ăn tơgop nơ̆r, tơchơ̆t Trong pơprŏ tơm teh đak jăl jang 2021-2030, lăng trŭh sơnăm 2050; lăng hơlen pơdrơ̆ng kiơ̆ trong vă pơjing Khôi luơ̆t Khăm jĭ, ming hơmet jĭ (hơmet ming) păng Hop akŏm pơtôch, hơlen jang kiơ̆ tơdrong Tơchơ̆t kơsô̆ 30 găh ‘Măng hop akŏm mă blŭng, Kuô̆k hô̆i jăl XV; lăng hơlen, tơchơ̆t tơdrong hơnơ̆ng jang kiơ̆ mĭnh ƀar trong bơ̆ jang đei ƀơm trŭh bơ̆ jang tang găn jĭ hơbŭh Covid-19. Adoi lăng hơlen, tơchơ̆t mĭnh ƀar tơdrong găh jên hu, kon jên bơ̆ jang teh đak păng bơ̆ jang găh khŭl bơ̆ jang.