VOV4.Bahnar - Lơ̆m 2 năr, năr 11 păng 12/7, pơgơ̆r ‘Măng hop akŏm mă 13 kơ Dơnŏ anĭh chĕp pơgơ̆r Kuô̆k hô̆i. Tơ̆ Hop akŏm au, Dơnŏ anĭh chĕp pơgơ̆r Kuô̆k hô̆i ăn tơgop nơ̆r lơ̆m hla bơar tơbăt ‘măng dăr lăng tơdrong ming man trong glung Trường Sơn Đông păng ăn tơgop nơ̆r ‘măng blŭng ăn tơdrong hơmet ăn ‘Măng hop akŏm mă 4 kơ Kuô̆k hô̆i jăl XV; lăng hơlen, pơdrơ̆ng kiơ̆ trong vă pơjing Tơdrong tơchơ̆t găh tơdrong jang, tơdrong gơ̆h jang păng tơdrong bơ̆ jang Dơnŏ anĭh bơ̆ jang Kơdră tang măt. Găh rim tơdrong jang mŭk drăm-tơpôl, Dơnŏ anĭh chĕp pơgơ̆r Kuô̆k hô̆i lăng hơlen, tơchơ̆t trong jang iŏk yua bri, tĕh bri păng tĕh jang ƀa đơ̆ng ƀar pơyan năm tơ̆ lơ kơ Tơdrong vă jang ming man trong glung rĕng Tu-Pơbăh găh hơlĕch jăl jang 2021-2025. Jei tơ̆ ‘măng hop akŏm au, Dơnŏ anĭh chĕp pơgơ̆r Kuô̆k hô̆i hop akŏm pơtôch ‘Măng hop akom mă 3 păng ăn tơgop nơ̆r găh hơmet ăn ‘Măng hop akŏm mă 4 kơ Kuô̆k hô̆i jăl XV.

Tơblơ̆ nơ̆r: Amazưt