VOV4. Bahnar - Hơnơ̆ng pơgơ̆r hop akŏm mă 10, pơgê au, năr 26/4, Dơnŏ anĭh chĕp pơgơ̆r Kuô̆k hô̆i ăn tơgop nơ̆r găh Tơdrong vă jang hơnơ̆ng tơplĭh ‘nao, atok jang ‘lơ̆ng, jơnei ‘măng hop akŏm Kuô̆k hô̆i păng tơdrong hơmet ming, tơmơ̆t dơ̆ng Dôm tơdrong hop akŏm Kuôk hô̆i. Tơdrong vă jang hơnơ̆ng tơplĭh ‘nao, atŏk jơnei ‘măng Hop akŏm Kuô̆k hô̆i hlôi đei hơmet ăn tôch hơlen, hơlen, chă tơchĕng kơtang rim tơdrong tơchơ̆t dang ei găh Kuô̆k hô̆i. Đơ̆ng nŏh rơ̆ih hơlen, tơlĕch ăn trong pơgơ̆r hle vă hơnơ̆ng tơplĭh ‘nao, atŏk kơtang jơnei hlŏh dơ̆ng ‘Măng hop akŏm kơ Kuô̆k hô̆i. Đơ̆ng hop akŏm hăt hot mă blŭng au ki jei tơlĕch ăn kăl chă tơchĕng hơlen găh trong jang, jơ ‘năr pơgơ̆r ... rim trong tơchơ̆t kăl lăp đơ̆ng rŏng tơlĕch jang kiơ̆ kăl ‘lơ̆ng păng yak mơ̆t lơ̆m tơdrong erĭh sa hloi. Kơsơ̆ au, Dơnŏ anĭh chĕp pơgơ̆r Kuôk hô̆i pơgơ̆r pơtôch hop akŏm mă 10. Hơdrol kơ Kơdră chĕp pơgơ̆r Kuô̆k hô̆i Vương Đình Huệ iung pơma pơtôch hop akŏm, Dơnŏ anĭh chĕp pơgơ̆r Kuô̆k hô̆i pơgơ̆r hop akŏm hrĕp, ăn tơgop nơ̆r găh tơbăt hơdăh tơlĕch kon jên jang tĕh đak sơnăm 2020 păng tơbăt hơdăh tơdrong jang jên hu sơnăm 2020.

Tơblơ̆ nơ̆r: Amazưt