VOV4. Bahnar - Đơ̆ng rŏng 6 năr bơ̆ jang, kơsơ̆ au, năr 10/5, Hop akom ‘măng mă 5  Dơnŏ anĭh chĕp pơgơ̆r Trung ương Đảng jăl XIII pơgơ̆r pơtôch tơ̆ Hơnĭh tơm Hà Nội. Lơ̆m dôm năr au ki, Hop akŏm ‘măng mă 5 Dơnŏ anĭh chĕp pơgơ̆r Trung ương Đảng jăl XIII hlôi tơlĕch nơ̆r tơchơ̆t, ăn tơgop nơ̆r đei ƀơm trŭh lơ tơdrong git kăl.

Năr bơ̆ jang mă 5 kơ Hop akŏm ‘măng mă 5 Dơnŏ anĭh chĕp pơgơ̆r Trung ương Đảng

Rim kơdră tang măt pơma dơnŭh, ăn tơgop nơ̆r găh: Pơtôch 10 sơnăm jang kiơ̆ Tơdrong tơchơ̆t Trung ương 6 jăl XI găh hơnơ̆ng tơplĭh ‘nao trong bơ̆ jang, khôi luơ̆t găh groi tĕh lơ̆m khei ‘năr atŏk kơtang tôm tong ‘măng tơplĭh ‘nao. Pơtôch 15 sơnăm jang kiơ̆ Tơdrong tơchơ̆t Hop akŏm mă 7 jăl X găh chŏh jang sa, kon pơlei chŏh jang sa, tơring chŏh jang sa. Pơtôch 20 sơnăm jang kiơ̆ Tơdrong tơchơ̆t Hop akŏm Trung ương 5 jăl IX găh hơnơ̆ng tơplĭh, atŏk tơ iung păng atŏk kơtang jang jơnei mŭk drăm tơpôl. Trong vă jang pơjing khŭl Đảng tơring păng đảng viên. Tơdrong vă jang pơjing Dơnŏ anĭh chĕp pơgơ̆r lơ̆m dêh char găh tang găn sa pơgơ̆m pơjĭp, pơm yoch au to. Hla bơar chĭh tơbăt dôm nơ̆r tơblang hơdăh tơdrong jang chĕp pơgơ̆r đơ̆ng Dơnŏ anĭh tơm Chĭnh trĭ, Ban Bí thư sơnăm 2021; păng mĭnh ƀar tơdrong kăl anai.

Tơblơ̆ nơ̆r: Amazưt