VOV4.Bahnar - Kiơ̆ tơ drong hơ găt đơ̆ng Anih tơm vei lăng găh pơ tho pơ hrăm, đơ̆ng năr ‘nâu (4/5), hŏk tro lơ̆m teh đak pơ tơm chih măt vang pơ long tốt nghiệp hŏk jăl 3 sơ năm 2022. ‘Măng pơ long tốt nghiệp hŏk jăl 3 gô pơ gơ̆r lơ̆m 2 năr ‘năr 7 păng 8/7/2022. ‘Nâu jĭ sơ năm mă blŭng, hŏk tro lăm 12 chih măt vang pơ long tốt nghiệp jăl 3 kiơ̆ trong trực tuyến ngăl ( rim sơ năm hơ drol hŏk tro gơh rơ̆ih iŏk chih măt trực tuyến dăh mă năm kơ tă). Kiơ̆ kơ ‘noh, hŏk tro tŏk bŏk hŏk lăm 12 sơ năm hŏk 2021-2022 pơm kiơ̆ chih măt vang pơ long kiơ̆ trong trực tuyến đơ̆ng năr ‘nâu (4/5) truh 5 jơ kơ sơ̆ ‘năr 13/5 lơ̆m Kơ măy vei lăng pơ long tơ̆ hơ nih https://thisinh.thitotnghiepthpt.edu.vn. Dôm hŏk tro pơ long kơ dih oei pơm kiơ̆ chih măt vang pơ long kơ tă hăm kơ phiê̆u nhen rim sơ năm; hơ nih chih măt vang pơ long yua đơ̆ng Anih vei lăng pơ tho pơ hrăm rim tơ ring hơ găt. Mưh đei tơ drong tơ hlăk tơ hlĭn, hŏk tro kăl pơ ma dơ nuh hloi hăm thây kô pơ tho đei pơ jao hơ năp jang tơ gŭm đơ̆ng hnam trưng dăh mă pơ ma dơ nuh hăm anih tơm tơ gŭm (1800 8000 nhánh số 2).

Thuem: Tơ blơ̆