Lơ̆m blŭng jơ pơ gê hei, Kơ dră tơm Nội vụ Phạm Thị Thanh Trà hơ nơ̆ng tơl 7 nơ̆r apĭnh đơ̆ng bơ ngai tang măt apĭnh đơ̆ng kơ sơ̆ brei. Đang kơ ‘noh, Kơ dră dăr hơ len kơ Khŭl kơ dră teh đak Đoàn Hồng Phong tơl nơ̆r dôm tơ drong ƀơm truh jang kiơ̆, đei yua lơ̆m bơ̆ jang dăr hơ len, trong jang sek phak, iŏk pơ dreo mŭk drăm đơ̆ng rŏng kơ dăr hơ len; tơ drong sek phak hăm tơ pôl, kơ dih pơm glăi, mă loi ‘noh jĭ dôm tơ ring lê̆ đei ƀôh pơm glăi khôi luơ̆t kơ tang păng dôm trong jang hơ met pơ ‘lơ̆ng hơ drom băl, hơ lơ̆k hơ le lơ̆m bơ̆ jang dăr hơ len.  

Thủ tướng  Phạm Minh Chính đei 80 pơ nĭt vă pơm rơ đăh dôm tơ drong tih đei tơ lĕch ăn păng tơl nơ̆r apĭnh đơ̆ng bơ ngai tang măt Kuôk hô̆i.