VOV4.Bahnar - Kơ sơ̆ ‘năr 30/3, tơ̆ Hà Nội pơ gơ̆r ‘măng hop akŏm mă mônh Hop akŏm Khŭl jang mơ dro sa mơ lôh Việt Nam ‘măng mă 7, jăl jang 2022-2025. Vang hop akŏm đei 800 ‘nu bơ ngai jang mơ dro sa mơ lôh hơ gei tang măt ăn hloh 11 rơ bâu ‘nu bơ ngai jang mơ dro sa, bơ ngai jang lơ̆m khŭl lơ̆m teh đak. Hop a kŏm hơ len lăng tơdrong jang đơ̆ng dôm bơ ngai jang mơ dro sa mơ lôh lơ̆m hơ tŏk tơ iung mŭk drăm, tơ drong jang tơ pôl păng tơ drong jang đơ̆ng Khŭl jang mơ dro sa mơ lôh Việt Nam jăl jang 2018-2021; pơ ma dơ nuh chă trong jang lơ̆m jăl jang 2022-2025 păng pôk Khŭl chĕp kơ̆l pơ gơ̆r Khŭl jang mơ dro sa mơ lôh Việt Nam jăl 7. Ƀok Trần Anh Vương, Phŏ Kơ dră Khŭl jang mơ dro sa mơ lôh Việt Nam tơ băt: Tơ drong ‘nao đơ̆ng jăl jang truh ‘noh mơ lôh jang lơ lơ̆m khŭl chĕp kơ̆l khŭl jang; dôm tơ drong jang lăng truh jơ hngơ̆m mơ lôh păng gơh hơ gei, mơ̆t jang hơ dai hăm apŭng plĕnh teh; yak hơ dai hăm dôm tơ ring pơ̆ih să dơ̆ng kâu lak ƀô̆ tơ iung tơ drong jang sa hơ gei. Lơ̆m jơ năr Hop a kŏm, gơ măng ‘năr 30/3, Khŭl jang mơ dro sa mơ lôh Việt Nam pơ gơ̆r lêh pơ jao tơ mam hơ păh Hơ nglŏng dreng teh Việt 2021, pôk pơ ư Grŭp 10, Grŭp 100 păng Grŭp 200 – hơ năn hơ gei Việt Nam.

Thuem: Tơ blơ̆