VOV4.Bahnar - Năr ‘nâu (16/2) 51 dêh char, pơ lei tơm pơ̆ih blŭng lêh pơ jao, iŏk lĭnh lơ̆m teh đak, sơ năm 2022 đei pơ gơ̆r tơ tĕnh, sơ đơ̆ng, pơm kiơ̆ tơ păt tơ drong hơ găt tang găn jĭ. Mă đơ̆ng tơ drong jang rơ̆ih iŏk păng krao kon pơ lei năm pơm lĭnh pơ gơ̆r lơ̆m khei ‘năr jĭ Covid-19 đei ƀôh krê hơ mơt, mă lei rim tơ ring lơ̆m teh đak hlôi jang đang đĭ đăng tơ drong hơ găt rơ̆ih iŏk păng krao kon pơ lei năm pơm lĭnh sơ năm 2022 ‘lơ̆ng, găh lơ hơ druh tơ dăm đei iŏk pơm lĭnh tă kơ pran jăng ngăl. Vă vei sơ đơ̆ng ‘lơ̆ng rơ̆ih lĭnh, Anih jang Khŭl linh ( Anih tơm jang tơ gŭm Khŭl linh kon pơ lei Việt Nam) hlôi jang ‘lơ̆ng tơ drong jang tơ gŭm, athei, rim anih jang, tơ ring băt hơ dăh tơ drong, tơ lĕch jang hrơ̆ch 1 ‘măng dôm trong jang, tơ tĕnh lơ̆m vei lăng, hơ drin ưh kơ lê̆ jĭ hơ buh ƀơm ưh kơ ‘lơ̆ng truh tơ drong rơ̆ih lĭnh. Tơ gŭm hơ drol rơ̆ih iŏk dôm hơ druh tơ dăm đei jơ hngơ̆m jăn ‘lơ̆ng. Kiơ̆ trong tơ lĕch jang, tơ drong jang pơ jao lĭnh gô pơ gơ̆r đơ̆ng năr ‘nâu truh đĭ ‘năr 20/2, jang đang ‘măng pơ jao lĭnh lơ̆m sơ năm ‘nâu.

Thuem: Tơ blơ̆