Tơ̆ tơdrong jang, 1.000 kŏng nhơ̆n đei khăm jĭ, roi tơƀôh jơhngơ̆m pran păng asong đĕch pơgang; hơdai hăm đei tơgŭm roi tơƀôh tơdrong jang, chih roi tơbăt kơsô̆ điên thoăi trŏ tơ ‘ngla kŭm hăm dôm tơdrong jang tơplŏng kơdâu, joh ayŏ, kơdŏ soang. Pơma tơ̆ năr akŏm, Phŏ kơdră chĕp kơ̆l Trung ương Khŭl vei lăng hơdruh tơdăm Việt Nam Nguyễn Kim Quy pơma hơdăh, rim kơdră Đoàn, Khŭl khei ‘năr âu ki hlôi tơlĕch jang lơ tơdrong jang yak hơdai hăm hơdruh tơdăm kŏng nhơ̆n.

‘Măng âu, Trung ương Khŭl pơjao 20 tơpu tơmam ăn kơ hơdruh tơdăm kŏng nhơ̆n mơmat tat; Anih jang đoàn dêh char, Khŭl vei lăng Hơdruh tơdăm Việt Nam dêh char Gia Lai păng Khŭl mơdro sa mơlôh dêh char pơjao dơ̆ng 100 tơpu tơmam tơgŭm bơngai jang lơ̆m tơring.