Thủ tướng Teh đak hôn bơnê rim hơnih tơm, hơnih jang, tơring, khul bơ̆ jang hlôi pơgơ̆r jang kiơ̆ ‘lơ̆ng rim tơdrong jang hơdrol păng lơ̆m khei ‘năr Têt Nguyên đán. Thủ tướng Teh đak athei rim hơnih tơm, hơnih jang, tơring, khul jang, rim bơngai đei ƀơm truh đơ̆ng rŏng pơdơ̆h Têt Nguyên đán kăl tĕnh koăng, akŏm hơmet pơ ‘lơ̆ng tơdrong jang kiơ̆ trong “bơ̆ jang hrôih, mơ̆t jang hloi” kiơ̆ ƀlep nơ̆r pơrô̆ đơ̆ng Ban Bí thư, jang kiơ̆ kơjăp trong jang “tơdrong đei iŏk đơ̆ng jơhnơ̆m đon tơchăr, trong lăng; jơhngơ̆m ranh đei đơ̆ng tơdrong tơplih ‘nao, tơchăr; jơhngơ̆m pran đei đơ̆ng Kon pơlei, hơnih mơdro sa”, “pơkom jơ ‘năr, lăng kơjăp jơhngơ̆m đon hơgei”; kơrŭn đĭ ai, iung jang, tơchăr hơ iă hloh dơ̆ng lơ̆m bơ̆ jang chĕp pơgơ̆r, pơrô̆ jang, pơjing hơyak kơtang atŏk tơ iung hăm trong “Đĭ hơdrin bơih ‘noh sa roi hơdrin hloh dơ̆ng, đĭ kơrŭn đĭ ai bơih ‘noh kơrŭn hloh dơ̆ng”; pơtrŭt kơtang choh jang sa pơm tơlĕch tĕch mơdro, pơjing tơdrong jang, pơjing đei tơdrong jang sa ăn kon pơlei, sơđơ̆ng dơ̆ng kơjăp tơpôl tôm tong; hơdrin tŏk mŭk drăm GDP sơnăm 2026 iŏk đei đơ̆ng 10% năm tơ̆ lơ tơgoăt kơjăp hăm vei kơjăp sơđơ̆ng mŭk drăm, tang găn tŏk jur, sơđơ̆ng ăn hơmet pơ ‘lơ̆ng tơdrong jang mŭk drăm.