VOV4.Bahnar - Dơnŏ anĭh bơ̆ jang ăn Khŭl kơdră chĕp pơgơ̆r Tĕh đak ‘nao đei Nơ̆r tơbăt kơsô̆ 57 găh Nơ̆r pơma pơtôch đơ̆ng Thủ tướng Tĕh đak Phạm Minh Chính tơ̆ Hop akŏm Khŭl kơdră chep pơgơ̆r Tĕh đak găh Tơdrong vă jang “Hơmet ming Hơnĭh mơdro sa kơ tĕh đak, mă kăl Grŭp jang mŭk drăm, Hơnĭh tơm Kŏng ty tĕh đak jăl jang 2021-2025". Tơ̆ nơ̆r pơma pơtôch au, Thủ tướng Phạm Minh Chính pơma hơdăh pơkă athei akŏm jang keh đang trong bơ̆ jang, trong jang tơgum djru, sơđơ̆ng mŭk drăm tĕh đak ‘nŏh jing hơnăp jang tơm, Dơnŏ anĭh mơdro sa kơ Tĕh đak pơm tơm, roi năr roi atŏk kơtang jang sa đei iŏk yua kơ jăp kơ hơnih mơdro sa kiơ̆ trong bơ̆ jang đơ̆ng Đảng. Hơmet ming trŏ ƀlep, akŏm lơ̆m dôm hơnĭh mơdro sa jang sa ư̆h kơ lĕch; vei kơ jăp, hơmet ming păng atŏk tơ iung rim hơnĭh mơdro sa pơm tơlĕch, tĕch mơdro iŏk đei jơnei kơ jăp, rim Grup jang, Hơnĭh tơm Kŏng ty jang sa ‘lơ̆ng. Hơmet ming trong bơ̆ jang ‘lơ̆ng, veh ver hơdrom, pơhoach pă tơdrong vă atŏk kơtang bơ̆ jang hơmet ming, vang tơmơ̆t jên jang hơdoi, hơmet ming dơ̆ng hơnĭh mơdro sa. Vang tơmơ̆t jên jang hơdoi trŏ ƀlep tơpă, iŏk đei jơnei.

Tơblơ̆ nơ̆r: Amazưt