VOV4.Bahnar - Tơ̆ hơnăp ‘mi kial hơbŭt hơbông, Công ty ŭnh hơyŭh Đắk Lắk hlôi tơlĕch rim trong jang, iung jang tang găn hơlau hăm tŏ ‘mi kial hơbŭt hơbông pơrăm. Công ty hlôi pơjing 2 khŭl iung jang tang găn ‘mi kial pơrăm păng tơchă dŏng hăm hlŏh 40 ‘nu bơngai jang.

Kŏng nhân hơmet ming jrăng, tơlei pơ krơ̆ng vă jrăng hoei kơpăk lơ̆m pơyan ‘mi kial hơbŭt hơbông

Atŭm hăm bơ̆ jang hơmet pơ ‘lơ̆ng dôm tơdrong đei răm lơ̆m dêh char Dak Lăk, khul au oei iung jang hloi vang chă tơgŭm rim dêh char boăl mư̆h đei nơ̆r krao hơvơn tơgŭm djru hăt hot. Rim Hơnĭh jang ŭnh hơyŭh lơ̆m dêh char hơnơng chă ming hơmet pơ ‘lơ̆ng dôm hơnĭh ư̆h kơ ‘lơ̆ng kơ ŭnh hơyŭh, pơjao jang hơdăh ăn rim khŭl, rim bơngai năm dăr lăng păng chĭu pŭ hơnăp jang kơ rim tơlei unh hơyŭh, kơ rim hơnĭh biên ap; sơđơ̆ng ‘lơ̆ng rim jrăng ŭnh hơyŭh koa thoong đak kroong, koa găn trong glung, jrăng kơjung păng rim hơnĭh gĭt kăl … Adoi chă chong pơ ‘ngoăih jĭh tơlei ŭnh hơyŭh, iung jang hơdoi hăm tơring pơtho tơbăt ăn kon pơlei vang vei lăng sơđơ̆ng ŭnh hơyŭh.

VOV Tây Nguyên/Amazưt tơblơ̆ nơ̆r