Lơ̆m 11 khei kơ sơnăm 2022, akŏm đĭ đăng ŭnh điên đơ̆ng PC Dak Lak đei 1.800 triệu kWh, tŏk 2,8% pơtêng hăm khei ‘nâu sơnăm sơ̆; kơsô̆ hiong ŭnh điên 4,4%, jur 0,25% pơtêng hăm khei ‘nâu sơnăm hơdrol păng tŏ sĕt hloh 0,6% trong tơlĕch jang.

Dôm tơdrong hơgăt găh tơdrong lui ngeh pơtruh ŭnh điên, kơsô̆ thu jên ŭnh điên tă kơ bơ̆ jang iŏk đei păng yak hloh trong tơlĕch jang đei pơjao. Lơ̆m tơdrong jang tơmơ̆t jên jang ming man, sơnăm ‘nâu, PC Dak Lak đei pơjao hloh 233 ti hlak jên bơ̆ jang kiơ̆ vei lăng 90 tơdrong. Tơchĕng hơdrol truh đĭ sơnăm 2022, ŭnh điên Dak Lak gô tơlĕch jên tơmơ̆t jang teh đak iŏk đei hloh 95%, tơgop pơtrŭt jang kiơ̆ hơnăp jang hơtŏk tơiung mŭk drăm tơring.