VOV4.Bahnar - Jang kiơ̆ Năr apŭng plĕnh tĕh pơm tơjur tŏ ‘mi kial pơrăm păng Năr ASEAN găh vei lăng năng tông tŏ ‘mi kial pơrăm, đơ̆ng năr 13 trŭh 19/10/2022, PC Đắk Lắk hlôi pơgơ̆r lơ tơdrong jang pơrô̆ tơbăt, tơgop atŏk jơhngơ̆m đon hlô̆h vao, hơnăp jang kơ rim khŭl păng rim bơngai lơ̆m bơ̆ jang tang găn tŏ ‘mi kial pơrăm.

Hăm hơnăn “Tơbăt hơmơt hrôih păng iung jang hrôih”, rim Hơnĭh jang ŭnh hơyŭh Đăk Lăk hơnơ̆ng hơlen chĭh tơmơ̆t kơtơ̆ng ang, rup găh bơ̆ jang tang găn tŏ ‘mi kial lơ̆m hơnĭh kơtơ̆ng ang pơrô̆ tơbăt, tơdrong jang sơđơ̆ng ăn bơngai jang kơ hơnĭh, lơ̆m trang web; hơtol ƀăng rôn tơ̆ hơnĭh bơ̆ jang păng tơring kơdrơ̆m kon pơlei oei ... Kŏng ty jei hơnơ̆ng hơmet khŭl jang, gre, kmăi kmŏk, tơlĕch jang rim trong jang tang găn hơlau tŏ ‘mi kial pơrăm, au to.

Năr Apŭng plĕnh tĕh pơm tơjur tŏ ‘mi kial pơrăm 13/10 đei tơlĕch jang kiơ̆ lơ̆m sơnăm 1989, kơ yuơ Liên Hợp Quốc pơjing vă atŏk kơtang jơhngơ̆m đon lơ̆m plei tĕh băt hơdăh găh tơdrong đei răm đơ̆ng tŏ ‘mi kial pơrăm. Khŭl rim tĕh đak Đông Nam Á jei iŏk năr au vă pơm Năr ASEAN găh vei lăng năng tông tŏ ‘mi kial pơrăm rim sơnăm.

VOV Tây Nguyên/Amazưt tơblơ̆