Tơ̆ dêh char, PC Dak Lak hlôi vang jang hăm dôm khŭl linh găh Kŏng an dêh char, Anih vei lăng kon pơlei pơlei tơm Buôn Ma Thuột păng 1,2 anih jang, pơtâp pĭt ŭnh sa păng dŏng sar bar, dŏng tơgŭm tơ̆ Anih tĕch mơdro Co.op mart Buôn Ma Thuột.

Dôm ‘măng pơtâp hlôi tơgŭm hơtŏk ‘lơ̆ng tơdrong kĕ pơgơ̆r, pơjing trong jang vei lăng, tơdrong jang hơdai đơ̆ng kanh sat tang găn ŭnh sa, pĭt ŭnh sa hăm rim khŭl linh lơ̆m tơdrong hơmet ‘lơ̆ng dôm ‘măng ŭnh sa tih, ŭnh sa krê hơmơt tơ̆ dôm anih tơm lơ̆m dêh char Dak Lak. Tơ̆ dôm apŭng, thị xăh, rim anih jang găh ŭnh điên Dak Lak kŭm hlôi pơgơ̆r pơhrăm tơdrong jang, pơtâp găh tơdrong jang tang găn ŭnh sa pĭt sa, pơm kiơ̆ tơdrong klaih đơ̆ng sar bar păng dŏng bơngai đei sar bar mưh đei ƀôh ŭnh sa đôh.