VOV4.Bahnar - Lơ̆m dôm năr, 22 păng 23/9, Công ty jang unh điên Dak Lak jang hơ doi hăm dôm anih jang, tơ ring tơ rang pơm lêh pơ jao 2 tŏ hnam ăn unh hnam ƀok Nguyễn Anh Huấn (tơ̆ thôn 8, xăh Ea Uy, apŭng Krông Pach) păng unh hnam yă H’Lam Niê (tơ̆ plei Knul, xăh Ea Bông, apŭng Krông Ana).

Pơ jao hnam ăn unh hnam ƀok Nguyễn Anh Huấn

Mĭnh pôm hnam đei anih jang unh điên tơ gŭm 50 triu, dôm anih jang, tơ ring tơ rang păng unh hnam chă kơ dih hai vă man đei hnam kơ jăp ‘lơ̆ng ƀiơ̆. Thoi nŏh dôm khei âu ki, Công ty jang unh điên Dak Lak man đei 5 tŏ hnam ăn dôm unh hnam mơ mat tat dêh hlŏh, găh tơ drong jang pơ jao 70 tŏ hnam yoa Công ty tơm jang unh điên Tơ ring Tŏk bŏk tơ gŭm ăn dôm dêh char tơ̆ tơ ring Tŏk bŏk - Tây Nguyên sơ năm 2022.

Pơ jao hnam ăn unh hnam yă H’Lam Niê

Đei băt hơ dai hăm tơ drong jang xa, tĕch mơ dro, jô̆ păh lăp rim sơ năm, Anih jang unh điên Dak Lak ‘măn dang 1 ti hlak jên vă bơ̆ jang tơ gŭm ăn tơ pôl, tơ gŭm ăn dôm bơ ngai tơ nuh, pơ gơ̆r plang song pham, chô̆ unh điên tơ̆k hơ dăh trong pơ lei…

Dơ̆ng: Tơ blơ̆