VOV4.Bahnar - Hăm tơ drong tơm hơ tŏk ‘lơ̆ng pơ vih pơ văn, khei ‘năr âu ki, Kŏng ti jang găh Ŭnh điên Dak Nông hlôi hơ met ming, trong jang, hla ar bơ̆ jang, hơ tŏk ‘lơ̆ng tơ drong tơ păt, rơ đăh lơ̆m tơ drong hơ met pơ ‘lơ̆ng dôm hla ar găh ŭnh điên. Hơ dai hăm pơm lơ trong jang sơng iok ‘meh vă găh pơ vih pơ văn ŭnh điên, nhen kơ tă tơ̆ dôm hơ nih pơm hla ar, trực tuyến kiơ̆ tổng đài vei lăng tơ moi yua ŭnh điên 19001909, kiơ̆ website... Mưh đei apĭnh găh ŭnh điên, kon pơ lei lăp kăl kơ krao truh tổng đài ‘noh đei hơ met pơ ‘lơ̆ng tơ tĕnh, đei yua. Hơ drô̆ kiơ̆ Hơ nih pơ vih pơ văn teh đak, đơ̆ng blŭng sơ năm truh dang ei, PC Dak Nông hlôi hơ met pơ ‘lơ̆ng vă jê̆ 20.000 kơ phiê̆u sơng iŏk pơ vih pơ văn ŭnh điên trực tuyến cấp độ 4.

Bơ ngai jang PC Đak Nông jang pơ tho tơ moi yua dôm tơ drong pơ vih pơ văn

Kiơ̆ kơ ‘noh, jơ năr sơng iŏk, hơ met pơ ‘lơ̆ng pơ truh ŭnh điên ‘nao hlôi pơm kơ đeh 2 năr pơ têng hăm tơ drong hơ găt. Dang ei Kŏng ti tơ lĕch jang pơ truh 12 tơ drong pơ vih pơ văn ŭnh điên trực tuyến lơ̆m Hơ nih pơ vih pơ văn teh đak nhen: asong ŭnh điên ‘nao, kla jên ŭnh điên, tơ plih tơ drong pơm hla ar tĕch mơ dro ŭnh điên... Tơ moi yua ŭnh điên lăp kăl kơ pơih mơ̆t lơ̆m hơ nih www.dichvucong.gov.vn ‘noh jĭ gơh yua 12 tơ drong pơ vih pơ văn ŭnh điên âu 1 trong ƀônh ƀŏ păng tơ tĕnh.

Thuem: Tơ blơ̆