VOV4.Bahnar - Dôm năr âu ki, rim bơngai klưh băt kơ Đà Lạt, ‘mêm kơ pơn^k jơk đơ\ng hơgăt bri ‘long hơngo măh chre\ng kơ đon ăh kơtơ\ng đei kơ hre\ng tơm ‘long hơngo lơ\m tơring bri hơmo\ [ơm koh pơrăm. Hăm Khul kơpal kơ jơnu\m pơgơ\r tơring păng rim anih jang kơpal kơ dêh char Lâm Đồng adoi pơngơ\t kơ đon hăm tơdrong mă âu. ‘Nâu đei lăng j^ ‘măng pơrăm bri tih hloh đơ\ng xơ\ truh dang ei đei [ôh tơ\ pơlei tơm Đà Lạt. Khul tơtông noh khenh kơne#, lăng khôi luơ\t tơchơ\t ưh kơ le\ch kiơ.

Đơ\ng jăl trong tih 27C, găn tơring bri găh Tu dang 3 km noh truh anih đei pơrăm bri hli hlơt âu noh lô A, lô B, anih 15, tơring 144B, phương 8, pơlei tơm Đà Lạt (Lâm Đồng).

‘Nâu jing tơring bri hơmo\ oei lơ\m tơring tơkuh đơ\ng apu\ng Lạc Dương păng Đà Lạt, tơring teh bri kơyuơ Jơnu\m vei hơlen bri Lâm Viên vei lăng. Kơ hre\ng tơm ‘long hơnglo 3 hla [ơm kot ot ke\t keng tơ\ groi teh, tăp dăr đei pring lom hăm pơn^k jơk [l^k kơ dôm hơgăt bri ‘long hơngo giơ\ng ‘lơ\ng. Tơ\ âu, ‘nguaih kơ ot lơ tơm kiơ\ nhen pơlôch pơgoh rim tơm hơngo tih ie\, bơngai tơtông oei ot kiơ\ kueng ‘long hơngo ie\ răh rai lang xă hloi.

Trung tá Phạm Thị Thu Hiền, Đo#i CS hơlen tơdrong pơm glăi găh mu\k drăm, jang Ko\ng ang pơlei tơm Đà Lạt, vang jang lơ\m khul chă hơlen tơdrong pơrăm bri âu hlôi akhan, tơdrong chă koh ot ‘long thoi âu noh khenh kơne# tơpă, bơngai tơtông yua kơmăi ot che\p ti vă ot lơ tơm. Hăm kơso# hloh  400 tơm hơngo [ơm ot tơgơ\ thoi âu ưh kơ ke\ pơm lơ\m minh năr ôh: “Tơ\ hơla noh ‘nao ot ‘năr brei, ‘năr xơ\ đe\ch, oei anih âu noh hơbo\ ot đunh hloh kơlih hla hơngo hlôi jô dreng. Dang athei koh ot lơ\m lơ năr, jang hơnơ\ng tơ\ âu, ataih băl pơhlom 2 – 3 năr ot minh ‘măng”.

‘Nguaih kơ khenh tơlu\t tơlăt păng lăng khôi luơ\t ưh kơ le\ch kiơ, dôm bơngai tơtông tơle\ch pơrăm bri oei jing dôm bơngai juăt jang, hlôh vao lơ\m tơdrong koh ot ‘long bri.

Tơbang hơdăh tơdrong âu, noh jing dôm gru kăt ot tơm hơngo đei kăt tơpăt, hơto\ dih băl; tơm hơngo păk đơ\ng lơ găh hơchơ\k dih băl mă lei ưh đei tơxu\l, hơchơ\k ‘lơ\ng bot nhen đe kăt hơchơ\k tơm [a.

Atu\m hăm noh, anih ‘long bri [ơm ot tro\ ăh tơring tơkuh lơ\m anih bri kơyuơ Jơnu\m vei hơlen bri Lâm Viên vei lăng. Tơdrong mă âu adro# hăm dôm bơngai kloh kle\ch, băt hơdăh tơring dăh mă đei tơdrong tơgu\m, tơ[ôh đơ\ng dôm bơngai jang lơ\m anih vei bri noh pơtơm xơkơ\t đei hơdăh.

Kơyuơ anih pơrăm bri ataih đơ\ng tơring kon pơlei oei xa păng tih xă, truh pơgê năr 18/5, dôm anih jang kơpal to\k bo\k oei chă hơlen lăng, jo# tơm ‘long bri [ơm koh ot dăh mă tơdrong răm. Kiơ\ kơ [ok Lê Thái Sơn, io\k jang Kơdră Anih hơlen bri pơlei tơm Đà Lạt, anih mă bri [ơm pơrăm oei lơ\m tong ane# bri, tơdrong vih vơ\t chơ ‘long le\ch noh tơnap tap, kơyuơ noh tơdrong tơm vă pơrăm bri jing tơnap vă xơkơ\t hơdăh: “Anih [ơm pơrăm noh anih hli hlơt, oei ăh tong ane# bri, ưh đei trong mơ\t le\ch, ưh đei tơkuh hăm mir [a. Đơ\ng ro\ng kơ [ôh băt đei bri [ơm pơrăm, khul kơpal kơ pơlei tơm Đà Lạt tơle\ch chă hơlen, chă rôp đe tơtông”.

Lơ\m kơplăh noh, [ok Nguyễn Văn Sơn, Pho\ Kơdră Anih vei lăng kon pơlei pơlei tơm Đà Lạt akhan, âu jing tơdrong kot ot ‘long bri hơngo tih hloh đơ\ng xơ\ truh dang ei đei [ôh lơ\m tơring. Tơring âu noh kông krang hang nak, vih vơ\t tơnap tap, đei lăng jing tơring ưh gan đei răm truh tơ\ bri. Kơyuơ noh, ăh ‘măng pơrăm bri đei [ôh, hlôi pơm ăn Khul kơpal kơ tơring măh chre\ng kơ đon. Păng âu duh jing tơdrong tơm pơm ăn tơdrong [ôh băt jing adar, ưh đei tơtom. Duh kiơ\ kơ [ok Sơn, ‘nguaih kơso# ‘long bri [ơm koh ot oei đei hloh 100 tơm hơngo nai lơ\m tơring [ơm kăl ot, tuh pơgang hoă chơ\t vă ‘long lôch dar deh. Dang ei tơdrong âu oei đei anih jang kơpal hăt hot hơlen vă băt hơdăh: "Xơkơ\t mă blu\ng noh tơring ưh đei [ơm răm noh tơdrong chă hơlen duh tơjur mơ\n. Kơyuơ ưh đei xơkơ\t noh jing tơdrong tơm noh mă ưh đei băt tơtom. Oei tơdrong tơm pơrăm bri noh hơnơ\ng hăm tơring [ônh noh băt hloi, mă lei hăm tơdrong pơrăm bri âu duh tam mă xơkơ\t đei hơdăh. Pơlei tơm to\k bo\k oei pơgơ\r ko\ng ang păng dôm anih jang đei tơre\k chă hơlen athei tơchă kho\m mă [ôh bơngai tơtông vă xek tơlang kơjăp. Atu\m hăm noh athei xơkơ\t kho\m mă băt tơdrong tơm kơ tơdrong pơrăm bri".

Hăm tơdrong hli hlơt đơ\ng tơdrong âu, năr 17/5, Anih vei lăng kon pơlei dêh char Lâm Đồng đei hla bar pơgơ\r dôm anih jang kơpal dăh tenh kuăng hơlen, xek tơlang tơnăp păng tơbang tơdrong pơrăm bri glăi âu. Atu\m hăm noh, ‘nguaih kơ pơkăl tơ ‘ngla bri tenh kuăng pơtăm tơ ‘măl bri, hơmet pơtăm bri tơ\ hơgăt bri [ơm pơrăm, Anih vei lăng kon pơlei dêh char Lâm Đồng oei pơgơ\r kơdră Anih vei lăng kon pơlei pơlei tơm Đà Lạt tơle\ch hơlen pơm hơdăh xơnong jang kơ dôm anih jang păng tơ ‘ngla bơngai jang mă đei tơre\k vă xek tơlang tro\ [lep kiơ\ tơdrong tơchơ\t hlôi tơle\ch.

Lan chih păng pơre nơ\r