VOV4.Bahnar - Thượng tướng Trần Quang Phương, Bơ ngai jang lơ̆m Trung ương Đảng, Phŏ Kơ dră Kuôk hô̆i ‘nao năm tơ mang păng bơ̆ jang hăm Grŭp jang Kơ măy kơ mŏk - Viễn thông Quân đội (Viettel). Pôk pơ ư dôm jơ nei iŏk đei đơ̆ng Viettel, Thượng tướng Trần Quang Phương, Phŏ Kơ dră kuôk hô̆i chih iŏk dôm tơ drong hơ drin đơ̆ng Viettel lơ̆m jang kiơ̆ hơ năp jang pơm tơ lĕch tĕch mơ dro păng vei sơ đơ̆ng teh đak đơ̆ng Viettel.  Lơ̆m tơ drong jang khŭl linh, Viettel hlôi tơ chĕng hơ len pơm tơ lĕch jơ nei tơ mam kơ măy kơ mŏk khŭl linh kơ măy kơ mŏk ‘nao, tơ gop pơm ‘lơ̆ng tơ drong jang khŭl linh.

Lăng ‘lơ̆ng tơ drong jang tơ mơ̆t jên jang teh đak đe đơ̆ng Viettel, Phŏ Kơ dră Kuôk hô̆i akhan tơ drong ‘nâu ưh khan lăp tơ gop lơ̆m hơ tŏk tơ iung mŭk drăm teh đak mă oei pơ jing um rup kon bơ ngai Việt Nam hơ gei, roi tơ ƀôh kơ măy kơ mŏk Việt Nam hăm bôl buăl apŭng plĕnh teh. Iŏk yua tơ mơ̆t jên jang teh đak đe đơ̆ng Viettel kŭm tơ gop ‘lơ̆ng lơ̆m vei lăng teh đak đơ̆ng hơ tăih.

Thuem: Tơ blơ̆