VOV4.Bahnar - Kơ sơ̆ ‘năr 9-5, ƀok Trần Thanh Mẫn, Bơ ngai jang lơ̆m Anih tơm Chĭnh trĭ, Phŏ Kơ dră Kuôk hô̆i truh tơ̆ Anih jang tang măt  Cuba tơ̆ Hà Nội hơ pong kơ ƀok Ricardo Alarcon de Quesada, sơ̆ jang lơ̆m Anih tơm Chĭnh trĭ, sơ̆ pơm Kơ dră Kuôk hô̆i chĕp kơ̆l kon pơ lei Cộng hòa Cuba (lôch hơ chăng ‘năr 30/4/2022).

Phŏ kơ dră kUôk hô̆i Trần Thanh Mẫn chih tơ băt lơ̆m hla ar chih hơ pong

Tang măt kơ dră chĕp kơ̆l Đảng, teh đak, Kuôk hô̆i păng kon pơ lei Việt Nam, Phŏ Kơ dră kuôk hô̆i Trần Thanh Mẫn chih lơ̆m hla ar hơ pong, dan kơ vang pơ kao hơ pong kơ ƀok Ricardo Alarcon de Quesada; tơ ƀôh ƀrơ̆k jơ hngơ̆m, ‘mêm hmach tôch kơ dêh tơ̆ hơ năp tơ drong lôch hơ chăng đơ̆ng ƀok Ricardo Alarcon de Quesada. Ƀok Ricardo Alarcon de Quesada jĭ Kơ dră chĕp kơ̆l đei tơ drong ‘mêm gĭt kăl hăm Việt Nam, đei lơ tơ gop ‘lơ̆ng lơ̆m tơ drong hơ met ming, hơ tŏk tơ iung păng pơ̆ih să tơ drong pơ vei tơ goăt tơ goăl ‘nhŏng oh, jang hơ dai gĭt kăl, lui ngeh dih băl đơ̆ng Việt Nam păng Cuba.      

Thuem: Tơ blơ̆