VOV4.Bahnar - Pơ gê ‘năr 11/9, Bơ ngai jang lơ̆m Anih tơm Chĭnh tĭ, Phŏ Kơ dră Kuôk hô̆i Trần Thanh Mẫn hlôi pơ gơ̆r ‘măng hop akŏm khŭl dăr hơ len kơ Kuôk hô̆i găh tơ plih ‘nao tơ drong pơ tho pơ hrăm, hla ar hŏk phô thŏng. Dôm nơ̆r tơ gop pơ ma dơ nuh tơ̆ jơ hop akŏm athei tơ mơ̆t dơ̆ng trong jang hơ len lăng nơ̆r tơ gop đơ̆ng tơ pôl, vă hơ len lăng, tơ chĕng hơ len nơ̆r tơ gop đơ̆ng đe mĕ ƀă hŏk tro hăm tơ drong pơm kiơ̆ dôm Tơ drong tơ chơ̆t đơ̆ng Kuôk hô̆i găh tơ plih ‘nao tơ drong pơ tho pơ hrăm, hla ar hŏk phô thŏng. Ƀok Trần Thanh Mẫn tơ roi rơ đăh, athei tơ lĕch ăn hăm tơ drong jang dăr hơ len ‘noh jĭ lăng tơ drong jang pơ gơ̆r păng tơ lĕch jang pơ gơ̆r pơm kiơ̆ đơ̆ng Khŭl kơ dră teh đak, dôm Anih tơm, anih jang, Anih vei lăng kon pơ lei dôm dêh char, pơ lei tơm; pơm rơ đăh dôm jơ nei iŏk đei, dôm tơ drong tơ hlăk tơ hlĭn, ưh kơ ‘lơ̆ng păng tơ drong tơm pơm ăn, hơ năp jang đơ̆ng anih jang vei lăng teh đak, dôm anih tơm, anih jang păng rim tơ ring. Đơ̆ng noh tơ lĕch dôm trong jang, athei chih đang dôm hla ar tơ chơ̆t khôi luơ̆t đei ƀơm truh vă hơ nơ̆ng tơ lĕch jang kiơ̆ đei yua dôm tơ drong tơ chơ̆t đơ̆ng Kuôk hô̆i găh tơ plih ‘nao tơ drong pơ tho pơ hrăm, hla ar hŏk phô thŏng lơ̆m jăl jang ‘nao.

Thuem: Tơ blơ̆