VOV4.Bahnar - Pơ gê 5/7, tơ̆ Hnam Kuô̆k hô̆i, Phŏ Kơ dră chĕp kơ̆l Kuô̆k hô̆i Trần Thanh Mẫn sơng khul tang măt kơ Thượng viện Indonesia yoa yă Sylviana Murin, Kơ dră Anih jang hơ doi kơ Nghị viện chĕp kơ̆l oei năm hơ pong păng bơ̆ jang tơ̆ Việt Nam.

Phŏ Kơ dră Kuô̆k hô̆i Trần Thanh Mẫn tơ chĕng ‘lơ̆ng ‘măng năm hơ pong, bơ̆ jang đơ̆ng yă Sylviana Murin păng khul jang, pơ ma hơ dăh Việt Nam hơ nơ̆ng năng kăl păng ‘mĕh hơ tŏk hlŏh dơ̆ng tơ drong pơ vei jang tơ bôl đơ̆ng sơ̆ păng jang hơ doi gĭt kăl hăm Indonesia.

Sơ năm 2023 ‘nŏh jĭ sơ năm tơ băt 10 sơ năm 2 tĕh đak pơ jing tơ drong pơ vei jang hơ doi gĭt kăl. Yoa thoi nŏh truh âu kơnh 2 păh athei jang hơ doi kơ jăp hlŏh dơ̆ng vă hơ nhăk tơ drong pơ vei jang hơ doi dĭt kăl tŏk ‘lơ̆ng hlŏh, mă loi jĭ tơ drong jang hơ doi đơ̆ng nghị viện vă tơ găl hăm tơ drong pơ vei jang hơ doi gĭt kăl kơ 2 tĕh đak.

Dơ̆ng: Tơ blơ̆