VOV4.Bahnar - Ƀlep ƀât tơ băt 47 sơ năm năr tơ blăh iŏk rơ ngei tơ ring Pơ băh, pơ jing đei 1 tĕh đak kơ jăp ‘lơ̆ng (30/4), ‘năr (17/4), Phŏ Kơ dră tĕh đak Võ Thị Ánh Xuân truh sŏh nhang, plang pơ kao bơ nê kơ đe linh lôch tang tĕh đak tơ̆ Hnam soi kơ linh lôch tang tĕh đak thĭ xăh Hoài Nhơn păng năm ngôi tơ̆ dôm unh hnam đei kŏng lơ̆m thĭ xăh Hoài Nhơn, dêh char Bình Định.

Phŏ Kơ dră tĕh đak Võ Thị Ánh Xuân hơ păh tơ mam ăn unh hnam đei kŏng

Lơ̆m tơ drong jang tơ plih ‘nao, Hoài Nhơn hơ nơ̆ng tơ iung jơ hngâm đon kơ tang nuih mơng, 1 ƀơ̆r đon vang adrin păng chơ thơ iă iŏk đei hơ năn "Bơ ngai bơ̆ jang kơ tang nuih mơng” lơ̆m chăl ‘nao yoa Kơ dră tĕh đak pôk hơ păh. Hơ dai lơ̆m năr, Phŏ Kơ dră tĕh đak Võ Thị Ánh Xuân năm ngôi, đei nơ̆r pơ lung păng hơ păh tơ mam ăn dôm unh hnam đei kŏng tơ̆ thĭ xăh Hoài Nhơn, dêh char Bình Định.

Năm ngôi tơ̆ dôm unh hnam đei kŏng, Phŏ Kơ dră tĕh đak jet gia, pơ ma nuh găh tơ drong arih xa, atŭm hăm ‘nŏh athei khul kơ dră chĕp kơ̆l dêh char Bình Định bơ̆ jang ‘lơ̆ng hlŏh dơ̆ng tơ drong năng tông nông gia hăm unh hnam đei kŏng, bơ ngai đei kŏng hăm kăch mang.

Dơ̆ng: Tơ blơ̆